aHlab 107:32
bHlab 48:1; Hlab 147:5
cIsa 38:19
d145:4; Hlab 150:2
eHlu 5:10
fHlab 21:5, 145:12
gHlab 19:2, 59:7, 78:2, 119:171; Zaga 1:23, 15:2,28; Tshu 10:1; Zaga 18:4
hIsa 63:7
iEks 34:6
jHlab 100:5
kHlab 103:22; Hlab 19:1
lHlab 50:5
mHlab 105:1
n145:4; Hlab 150:2
o145:5
pHlab 10:16
qHlab 77:8
rHlab 37:17,24
sHlab 146:8
tHlab 146:8
uHlab 57:6
vHlab 104:27
wZaga 15:23
xHlab 104:28
yJow 1:20
zHlab 116:5; Ezra 9:15
aaHlab 86:2; Dute 33:8; Hlab 89:19
abHlab 34:18, 119:151; Dute 4:7
acJoha 4:23,24
adZaga 10:24; Joha 9:31
aeHlab 31:22,23
afHlab 97:10; Hlab 121:3
agHlab 31:22,23
ahHlab 150:6
ai145:1,2

Psalms 145

Ukubonga iNkosi ngobukhulu bayo langesihawu sayo

Ingoma yendumiso, ekaDavida

1Ngizakuphakamisa, Nkulunkulu wami, Nkosi, ngibonge ibizo lakho kuze kube nini lanini a. 2Ngensuku zonke ngizakubonga, ngidumise ibizo lakho kuze kube nini lanini.

3Yinkulu iNkosi, ifanele ukudunyiswa kakhulu, lobukhulu bayo kabuhloleki b. 4Isizukulwana ngesizukulwana sizababaza imisebenzi yakho c, sitshumayele izenzo zakho ezilamandla d. 5Ngizakhuluma e ngodumo lwakho olukhazimulayo lobukhosi bakho, langendaba zezimangaliso zakho f. 6Njalo bazakhuluma ngamandla ezenzo zakho ezesabekayo, lobukhulu bakho ngibulandise. 7Bazathulula ngamazwi isikhumbuzo g sokulunga kwakho okukhulu, bahlabele ngentokozo ngokulunga kwakho h.

8Ilomusa lesihawu iNkosi, iyaphuza ukuthukuthela, inkulu ngothando i. 9INkosi ilungile kubo bonke, lezihawu zayo ziphezu kwayo yonke imisebenzi yayo j.

10Imisebenzi yakho yonke izakudumisa, Nkosi k, labangcwele bakho bazakubusisa l. 11Bazakhuluma ngenkazimulo yombuso wakho, balandise ngamandla akho. 12Ukuze bazise abantwana babantu m izenzo zayo ezilamandla n, lenkazimulo yobukhosi bombuso wayo o. 13Umbuso wakho ungumbuso wamaphakade wonke p, lokubusa kwakho kumi kuso sonke isizukulwana ngesizukulwana q.

14INkosi isekela bonke abawayo r, iphakamise bonke s abakhothemeyo t , u. 15Amehlo abo bonke alindele kuwe, wena-ke uyabanika ukudla kwabo v ngesikhathi sakho w. 16Uyavula isandla sakho x, usuthise isifiso sakho konke okuphilayo y.

17INkosi ilungile endleleni zayo zonke z, njalo ilomusa emisebenzini yayo yonke aa. 18INkosi iseduze labo bonke abayibizayo ab, labo bonke abayibiza ngeqiniso ac. 19Yenza isifiso sabayesabayo ad, iyezwa ukukhala kwabo, ibasindise ae. 20INkosi iyabalondoloza bonke af abayithandayo ag; kodwa bonke ababi izababhubhisa.

21Umlomo wami uzakhuluma indumiso yeNkosi, layo yonke inyama ibonge ibizo layo ah elingcwele kuze kube nini lanini ai.

Copyright information for Ndebele